صباح التفاؤل

السلام عليكم ورحمة الله وبركاته



صباح التفاؤل




صحيت عالساعة سبعة الصبحية



غسلت وشى بشوية مية



قلت اضرب رغيف فول وواحد طعمية



روحت لعم حمزة للاكلات الشعبية



بعد مأكلت شربت الشاى وشوية مية



رجعت البيت اتباع الاخبار السياسية



فضلت اغير من المنار للجزيرة للعربية



علشان اشوف اخر اوضاع الامة العربية



ملقتش غير انتكاسات وازمات ومواقف مخزية



قلت اغير السياسة وانقل على الاخبار الرياضية



يمكن يتغير الحال ويتعدل المزاج شوية



ملقتش غير الانتكاسة الاماراتية وضياع الاحلام القطرية



كمان خيبة الامل السعودية وتعثر مصر فى التصفيات المونديالية



طلعت الاخبار السياسية زيها زى الرياضية



كلها تسد النفس وتهبط الروح المعنوية



قلت يمكن الخير فى النشرة الاقتصادية



بس بينى وبينكم خوفت تيجينى ازمة قلبية



وقلت اذا كان ده كله فى الصبحية



امال نهاية اليوم هتكون على اى شكلية



بصراحة احبطت من حال الامة العربية



وملقتش حاجة اعملها احسن من انى انام شوية



منقووووووووول